Ang Mga Akdang Tuluyan

    Ang mga akdang tuluyan ay marami. Kinabibilangan ito ng nobela o kathambuhay, maikling kuwento, mga dula sa kasalukuyang panahon, mga alamat, pabula, sanaysay, talambuhay, balita, talumpati, at iba pa.

    1. Nobela - ito'y isang mahabang salaysaying nahahati sa mga kabanata. Hango sa tunay na buhay ng tao ang mga pangyayari at sumasakop sa mahabang panahon. Ginagawalan ito ng maraming tauhan. Halimbawa:

• "Banaag at Sikat" ni Lope K. Santos
• "Noli Me Tangere" at "El Filibusterismo" ni Dr. Jose P. Rizal
• at iba pa

    2. Maikling Kuwento - ito'y salaysaying may isa o ilang tauhan, may isang pangyayari sa kakintalan. Halimbawa:

• "Pagbabalik" ni Genoveva Edroza Matute
• at iba pa

    3. Dula - ito'y itinatanghal sa ibabaw ng entablado o tanghalan. Nahahati ito sa ilang yugto, at sa bawat yugto ay maraming tagpo. Halimbawa:

• "Kahapon, Ngayon, at Bukas" ni Aurelio Tolentino
• at iba pa.